««ஜில்தண்ணி»»

பில் கேட்சிடம் கேட்ட கேள்விகளுக்கு இன்னும் அவர் தரப்பிலிருந்து எந்த பதிலும் இல்லை ,நேத்து தான் நம்ம பழைய அறிவியல் வாத்தியார பார்த்து பேசிகினு இருந்தேன்,அப்ப அவர் கிட்டேயும் சில கேள்விகள்,ஆனா என்ன பதில்கள் உடனே வந்துடுச்சு.

கடல் நீர் உப்பு கரிக்குதுன்னு நாம குடிக்க மாற்றோம்,அப்டி குடிச்சா என்ன ஆகும் வாத்தியாரே ?

டேய் தம்பி,ஒரு லிட்டர் கடல் நீரை எடுத்து சோதித்துப் பார்த்தால் கிட்டத்திட்ட 35 கிராம் உப்பு கிடைக்கும்,மனிதனுக்கு ஒரு நாளைக்கு 3 முதல் 5 லிட்டர் வரை தேவைபடுகிறது,இந்த அளவில் 100-150 கிராம் உப்பு இருக்கும் ,ஒரு நாளைக்கு இந்த அளவு உப்பு சேர்ந்தால் ஏகப்பட்ட விளைவுகள் ஏற்படும்..அப்பறம் ஒன்னும் செய்ய முடியாது ,சரியா

அய்யா நான் இந்த வயசுலேயே இம்புட்டு உசரமா இருக்கேன் நீங்க ஏன் குள்ளமாவே இருக்கீங்க?

ஆளுக்கு ஆள் உயரம் வித்யாசப்படுவது கால் எலும்புகளின் நீளம் தான்,குட்டையோ நெட்டையோ ஆண்களின் இடுப்பு முதல் கழுத்து வரை சராசரி 28 அங்குலம்தான் , பெண்களுக்கு 24 அங்குலம் , ஆளுக்கு ஆள் உயரம் வித்யாசமாவது இந்த கால் எலும்பு அளவில் தான்,ரைட்டா....



சரி இந்த உப்பு மேட்டர பத்தி சொல்லுங்க,மனிதனின் கண்ணீரும் ஏன் உப்பு கரிக்கிறது?

மனிதனின் கண்களிலிருந்து நாள்தோறும் குறைந்த பட்சம் 15 சொட்டு கண்ணீர் வருகிறது ,அது வாகனம் ஓட்டும் போதோ,தொலைகாட்சி பார்க்கும் போதோ எப்படி வேண்டுமானாலும் வரும்,அதில் பாதி ஆவியாகிவிடுகிறது,கண்ணீரில் 33% தண்ணீர் தான் இருக்கிறது,மேலும் அதில் புரோடீன்,குல்கோஸ் ,சோடியம் ,பொட்டாசியம் போன்ற தாதுக்கள் உள்ளதால் தான் உப்பாக உள்ளது.......


வாத்தியாரே எனக்குத்தான் கனவுல நமீதா,நயன்தாரா எல்லாம் வராங்க,கண் பார்வை இல்லாதவர்களுக்கு கனவு வருமா ?

கனவு பொதுவாக காட்சியுடன் தொடர்புடையது ,மூளையிலுள்ள பார்வைப்புரணி (visual cortex) என்ற பகுதியே பார்வை உணர்ச்சியை முறைப்படுத்துகிறது,நாம் உறங்கும்போதும் செல்கள் இயங்கிக் கொண்டிருக்கும்,அவற்றின் தன்னியல்பு இயக்கத்தால் தோன்றும் சாயல்கள் மற்றும் நிகழ்வுகளே கனவுகள் ஆகும்.

தூக்கத்தின் ஒரு குறிப்பிட்ட பகுதியிலோ அல்லது இடைவெளியிலோ தான் கனவு வருகிறது ,உறக்கத்தின் அந்த பகுதியை விரைவு விழியியக்க உறக்கம்(REM-Rapid Eye Movement sleep) என்பர் .

பார்வையற்றோருக்கு கனவு தோன்றுமா என்பது அவரது பார்வஐப்புரணி துடிப்புடன் செயல்படுகிறதா என்பதை பொறுத்தது ,பார்வைப்புரணி பழுதாகாத பார்வையற்றோரால் கண்டிப்பாக கனவு காண முடியும்,ஆனாலும் அவை வெறும் ஒளித் தெறிப்புகளாக மட்டுமே இருக்கும் (flash).

என் தம்பி பஸ்லயோ,கார்லயோ போனாலே வாந்தி எடுத்துடுறான் அது ஏன்?
உம் இதுக்கு பேரு மோஷன் சிக்னஸ், வாகனங்கள் முன்னும் பின்னும் அசைந்து குலுங்குவதால்,சிலரது உட்செவியிலுள்ள (inner ear ) உடல் சமநிலை நரம்புகள் மிகுதியாக தூண்டப்பட்டு குமட்டலும்,வாந்தியும் வருகிறது .பயணம் செய்து பழகிவிட்டால் இந்த பிரச்சன இருக்காது.

பஸ்ல போன ஒரு ரூபாய்க்கி புளிப்பு முட்டாய் வாங்கிக் கொடு,சரியாய் போயிடும்.


சரி இத்தன கேள்விக்கு பொறுமையா பதில் சொன்னேன்ல,நான் உன்ன ஒரு கேள்வி கேக்குறன் சொல்லு?

சரி கேளுங்க

உனக்கு எத்தன கேர்ள் பிரண்ட்ஸ் இருக்காங்க,உண்மையச் சொல்லு ?

அவ்வ்வ்வ் பப்ளிக்க வச்சி இதெல்லாம் கேக்க பிடாது , கேட்டாலும் 12 பிரண்ட்ஸ் தான்னு சொல்ல மாட்டேனே

டேய் மர மண்டயா அதான் நீ யே சொல்லிட்டியே

ஆஹா! சரி சரி விடுங்க ஒரு இளைஞன் வாழ்கையில இதல்லாம் சகஜமப்பா...

சரி டா ,மணி ஆயிடிச்சி,வீட்டுக்காரி திட்டுவா வரட்டுமா,மீண்டும் சிந்திப்போம்

நீங்களுமா,சரி வாத்தியாரே வாங்க !!!

புரட்சியை பற்றி எழுதி கொஞ்சம் போர் அடிக்குது ,அதனால நேத்து வந்த ஒரு மின்னஞ்சலை தங்களுடன் பகிர்கிறேன்

இது வெறும் பார்வேட் மெயில் தான்........

________________________________________________________________

என்னுடைய நண்பரின் சில சந்தேகங்கள்...................


நான் திருச்சியில் இருந்து
எழுதுகிறேன். நான் நேற்று ஒரு கணிப்பொறி வாங்கினேன். அந்த கணிப்பொறியை
உபயோகிக்கும் போது நான் கண்டறிந்த சில குறைபாபடகளை தங்களின் பார்வைக்கு
கொண்டு வருகிறேன். இதுவரை யாருக்கும் தங்களை எதிர்த்து எழுத
தைரியமில்லாததால் நான் எழுதுகிறேன்.நெல்வேலி பக்கத்தில் உள்ள சிறு
குக்கிராமத்தில் இருந்து எழுதுகிறேன்.



1. இணையத்தில் இணைப்பு கொடுத்த பிறகு நான் என்னுடைய ஹாட்மெயில் அக்கவுண்டை திறக்க முயற்சிக்கும் பொழது பாஸ்வோர்ட் என்ற பகுதியில் மட்டும்
என்ன தட்டச்சு செய்தாலும் ****** என்றே வருகிறது. ஆனால் மற்ற இடங்களில்
ஒழுங்காக தட்டச்சு ஆகிறது. நான் ஹார்டடுவேர் பொறியாளரை அழைத்து
சோதனையிட்பொழுது அவர் தட்டச்சுப் பலகையில் எந்த பிரச்சனையுமில்லை என்று
கூறினார்.

ஆகவே எப்போதும் என்னுடைய அக்கவுண்டை திறப்பதற்காக ****** என்ற பாஸ்வேர்டை மட்டுமே பயன்படுத்த முடிகிறது. என்னால் கூட என்னுடைய
ஹாட்மெயில் பாஸ்வேர்ட் என்னவென்று தெரியாததால் தயவுசெய்து என்னுடைய
அக்கவுண்டை சோதனையிட்டு என்னை இந்தத் தீராத பிரச்சனையிலிருந்து என்னை
மீட்குமாறு கேட்டுக்கொள்கிறேன்.


2. என்னால் Shut_Down பொத்தானை அழுத்தியபிறகு எதுவுமே தட்டச்சு செய்ய முடியவில்லையே ஏன்?

3. டெஸ்க்டாப்பில் Start என்ற பொத்தான் இருக்கிறது. ஆனால் Stop என்ற பொத்தான் இல்லையே ஏன்? வைக்க மறந்து விட்டீர்களா?

4. மெனுவில் Run என்ற பொத்தான் இருக்கிறது. எனக்கு மூட்டு வலியாக இருப்பதால்
என்னால் ஓட முடியாது. ஆகவே அந்த பொத்தானை Sit என்று மாற்ற முடியுமானால்
எனக்கு உட்கார்ந்து கொண்டே இயக்குவதற்கு வசதியாக இருக்கும்.


4. கணிப்பொறி திரையில் Re-Cycle Bin என்று ஒன்று இருக்கிறதே. அப்படியானால் Re-Scooter என்று ஒன்று எங்கேனும் இருக்கிறதா? ஆனால் நான்
ஏற்கனவே ஸ்கூட்டர் வாங்கிவிட்டேனே?

5. Find என்ற ஒரு பொத்தான் இருக்கிறதே. அது சரியாக இயங்கவில்லை எனது மனைவி நேற்று வீட்டு சாவியை
தெலைத்து விட்டு அதில் தேடியிருக்கிறாள் ஆனால் அவளால் கண்டுபிடிக்க
முடியவில்லையே. விளக்கம் கூறவும். ஏதேனும் வைரஸால் பாதிக்கப்பட்டிருக்குமோ?


6. ஒவ்வொரு நாள் இரவிலும் எனது Mouseசை பூனையிடமிருந்து காப்பாற்ற நான் படும் பாடு படவேண்டியதாக இருக்கிறது.ஆகவே மவுஸோடு தாங்கள் நாயும்
வழங்கினால் மவுஸை பாதுகாக்க வேண்டிய கவலை இருக்காது அல்லவா.? எப்படி யோசனை?

7. என்னுடை மகன் Microsoft Word கற்று விட்டான் இப்போது அவன் Microsoft
Sentence படிக்க ஆசைப்படுகிறான்.எப்பொழுது அதனை வழங்குவீர்கள். ஆகவே
இதுபோன்ற குறைகளை எல்லாம் களைந்துவிட்டால் உங்களுக்கு இந்தநாள் மட்டுமல்ல எந்த நாளும் இனிய நாள்தான்.

என்னடா சூ கி - என்று என்னெனவோ சொல்றானே என்று பாக்காதீங்க,இவர் தான் பர்மாவின் புரட்சிப் புயல்.

20 வருடங்கள் வீட்டுச் சிறையில் அடைத்தும் தளராதவர் பர்மாவின் சூ கி(suu kyi)இவரது அப்பா ஆங் சாண்(aung san) நவீன பர்மாவின் தந்தை,அவர் தான் பிரிட்டனிடமிருந்த்து பர்மாவுக்கு சுதந்திரம் வாங்கித் தந்தவர்,ஆனால் அதற்கடுத்த சில நாட்களிலேயே படுகொலை செய்யப்பட்டார்,பர்மா ராணுவம் ஆட்சியை கைப்பற்றியது.

ஆக்ஸ்ஃபோர்டு பல்கலைகழகத்தில் உயர் படிப்பு முடித்த சூ கி 1988 ஆம் ஆண்டு பர்மா திரும்பினார்,பர்மாவில் ராணுவத்தின் அராஜகத்தை கண்டு வெகுண்டார்,ஜனனாயக ஆட்சி மலர முழு மூச்சுடன் இறங்கினார்.

அவருக்கு மகாத்மா காந்தி தான் ரோல் மாடல்,அஹிம்சை வழியிலேயே தன் போராட்டங்களை நடத்தினார்.

1990 ஆம் ஆண்டு நடந்த தேர்தலில் சூ கி-க்கு ஆதரவாக 82 சதவீத மக்கள் ஓட்டு போட்டார்கள்.ஆனால் ராணுவமோ இந்த தேர்தல் செல்லாது என்று அறிவித்து சூ கி-யை வீட்டுக் காவலில் அடைத்தது.


கடுமமையான தனிமையான வீட்டுச் சிறையில் வாடினார் சூ கி,கேன்சரால் பாதிக்கப்பட்ட தன் கணவரை பார்க்க கூட தடைகளை விதித்தது,அவர் இறந்த போதும் கூட கடும் கட்டுப்பாடுகளுடன் தான் இறுதிச் சடங்கில் கலந்து கொண்டார்.

"மீண்டும் பர்மாவுக்கு வர மாட்டேன்" என்கிற உத்தரவாதத்தோடு வெளிநாட்டில் தஞ்சம் அடைந்தால் வீட்டுச் சிறையிலிருந்து விடுதலை என்று பர்மா அரசு பேரம் பேசியது , அசைந்து கொடுக்கவில்லை இந்த இரும்புப் பெண்மணி.

2002 இல் ஐ.நா-வின் தலையீட்டால் அரசுக்கும்,சூ கி - க்கும் இடையில் ஒப்பந்தம் உருவானது.உடனடியாக வீட்டுச் சிறையிலிருந்து விடுதலை செய்யப்பட்டார்.

அதோடு விட்டதா சூ கி செல்லுமிடமெல்லாம் கலவரத்தை உருவாக்கியது அரசு,இதையே காரணம் காட்டி மீண்டும் வீட்டுச் சிரையில் அடைத்தது.

பல உலக நாடுகள் எச்சரித்தும் இன்று வரை அசையவில்லை அரசு,காரணம் சீனா-வாகத்தான் இருக்க முடியும்,ஏனெனில் நம் இந்தியாவிற்க்கும் சீனா - விற்க்கும் இடையில் தான் இந்த பர்மா இருக்கிறது.பர்மா தன் கையில் இருந்தால் இந்தியாவின் கண்களில் விரலை விட்டு ஆட்டலாம் என்ற ஆசையில் தான் இப்படி செய்து வருகிறது.

சூ கி இந்தியாவிற்க்கு ஆதரவானவர்,அதனால் தான் இன்று வரை அவருடன் மல்லுக்கு நிற்கிறது.இதுதான் உலக அரசியலோ.....

புரட்சி எரியும்..........

புரட்சியின் அடையாளம் சே குவேரா , வாழ்நாள் முழுவதும் அமெரிக்காவின் திமிர்த்தனத்தை எதிர்த்து நின்ற மாவீரன்.

இடதுசாரிக் கொள்கைகள் கொண்ட குடும்பத்தில் பிறந்த சே,சிறு வயதிலிருந்தே அநீதியை கண்டு ஆத்திரம் கொள்பவராக இருந்தார்.பணக்காரக் குடும்பத்தில் பிறந்து ஏழைகளின் தோழனாக இருந்தவர்.

அமெரிக்க முழுவதும் மேற்கொண்ட மோட்டார் சைக்கிள் பயணம் சே- வின் வாழ்கையை திசை மாற்றியது .முதலாளித்துவம் மக்களை எவ்வளவு கொடூரமாக பிழிந்தெடுக்கிறது என்பதை கண்கூடாகப் பார்த்தார்.இனி புரட்சி மட்டும்தான் ஒரே வழி என முடிவெடுத்தார்.

முதலாளித்துவ அமெரிக்காவின் கீழ் இருந்த கியூபாவின் பிடல் காஸ்ட்ரோ உடனான அறிமுகம் இதை சாத்தியப்படுத்தும் என நம்பினார் "சே".



அர்ஜென்டீனாவில் பிறந்த சே கியூபா பரட்சி வெற்றி பெற களம் இறங்கினார், அமெரிக்கா ஸ்தம்பித்தது, காஸ்ட்ரோ குவேராவை தன் நம்பிக்கையான தளபதியாக கருதினார்.மக்கள் சக்தி கியூபா வில் வெற்றி பெற்றது,சே விற்கு அமைச்சர் பதவி வழங்கினார் காஸ்ட்ரோ.

கொஞ்ச காலத்தில் அமைச்சர் பதவியை துறந்து காங்கோவின் விடுதலைக்கு போராட ஆப்ரிக்காவிற்கு சென்றார் ,அங்கிருந்து பொலீவிய நாட்டு விடுதலைக்காக போராடினார்.

சே வை விடாமல் துரத்தியது அமெரிக்க சி ஐ எ , கொரில்லா வீரர்களுடன் கடும் போர் ஏற்பட்டது,அங்குதான் சே சுட்டுக் கொள்ளப் பட்டார் .கலங்கினார் காஸ்ட்ரோ தன் ஒரு கையை இழந்தது போல் துடித்தார்,இன்று வரை அமெரிக்க முதலாளித்துவத்தை எதிர்த்து நின்று கொண்டிருக்கிறார் காஸ்ட்ரோ.


"அநீதிக்கு எதிராக கிளர்ந்து எழுந்தால் நீயும் நானும் தோழனே " - சே குவேரா

இன்று சே வின் பேத்தியான லிடியா குவேராவும் ஒரு புரட்சிக்காரர் தான்,பசுமையை நோக்கி புரட்சி செய்கிறார் இந்த பெண் குவேரா


புரட்சி தொடரும்................

சுவாரசியமான புகைப்படங்கள் !!

ஐஸ்வரியா ராய் என்ன ரெட்ட பிறவியா...


இல்லீங்க இது அவரோட மெழுகு பொம்ம !!
(பொம்ம இல்ல பொம்ம இல்ல உண்மை)

இவுருதான் இந்த வருடத்தின் சிறந்த புருஷன் !!!!



பய புள்ள தண்ணி அடிக்க என்ன வில்லத்தனம் !!!


நம்ம ஊர்ல ரோடு சரியில்ல,அது சரியில்ல என்று புலம்புகிறோம்,இத என்னனு சொல்ல!!!



மாமா அந்த துப்பாக்கி வேணும் !!!


செத்த நேரம் வெளிய வர முடியல,எடுத்து தள்ளிடுராயிங்க !!!

தொழிலதிபர் வாழ்கையில இதெல்லாம் சகஜமப்பா !!!
:-)


பிள்ளையாரின் வேண்டுகோள் ??

கடந்த வருடம் பிள்ளையார் சதுர்த்தியின் போது அலைபேசியில் க்ளிக்கியது !!


இன்றைய தகவல் :

எப்படியும் இந்த வாரம் பனிரெண்டாம் வகுப்பு தேர்வு முடிவுகள் வந்துடும்னு நினைக்கிறன் ,தினமலர் கல்வி மலர் இணையத்தளத்தில் முன்கூட்டியே பதிவு செய்து கொள்கிறார்கள்,பதிவு செய்து உங்கள் மதிப்பெண்களை மின்னஞ்சலிலோ, உங்கள் அலைபேசியிலோ பெறலாம்

முகவரி : http://www.kalvimalar.com/examresults.asp


நல்லா இருக்கோ இல்லையோ,வந்து சொல்லிட்டு போங்க!! பின்னூட்டத்தில்

நிறைய ஆணி இருப்பதால் ,பதிவுகளை எழுத இயலவில்லை,அதான் இந்த கவிதையாவது போடுவோமே என்று வந்தேன்


எக்ஸாம் கவிதை ...

பரிட்சை
பயத்தில்
பக் பக்
என்று
துடித்துக் கொண்டிருந்தது
இதயம்
அவள்
வந்தால்
பேஸ் பால்
ஆடியது
பட படவென
பட்டாம்பூச்சியாய்
பறந்தது...

_________________________

இசை....

உன்னில்
மெட்டுப் போட
முயன்றேன்
குட்டினாய்

செத்துப் போ
என்றால் கூட
போய் விடுவேன்
விட்டுப் போ
என்றல்லவா
சொல்லிவிட்டாய்..

கவித கவித....

ஏ
பெண்ணே
நான்
உன்னை
வெறித்து
வெறித்து
பார்த்துக்
கேட்டக்
கேள்விகளுக்கு
நீ
தந்த
ஒரே
பதில்
உயர்தரப்
புன்னகை

________________________________

உலகத்தமிழ் மாநாடு.....

உலகத்தமிழ் மாநாட்டில்
சிறந்த கவிதை
உன் வருகை